ILOILO CITY- Wala sang kalain sang buot si Iloilo City Councilor Urminico Baronda apisar nga wala ini maimbitar agud magtambong sa State of the City Address (SOCA)ni Mayor Jerry Treñas sang Lunes.
Sa interview sang Bombo Radyo kay Councilor Baronda, iya gin-ako nga wala niya ginlauman nga indi siya pag-imbitaron.
Suno sa iya, bangud indi man siya welcome, ginpakamaayo niya nga maglantaw nalang sang live broadcast sang SOCA.
Sa kaundan naman sang SOCA sang alkalde, ginpahayag ni Baronda nga nakulangan siya bangud wala namitlang sang alkalde ang nahanungod sa finances sang syudad.
