Ginkwestyon ni Iloilo City Councilor Romel Duron ang Bureau of Fisheries and Aquatic Resources (BFAR) kag Department of Environment and Natural Resources (DENR) kun paano nakakuha sang Fishpond Lease Agreement ang 60 ka ektarya nga Mangrove area sa bahin sang Brgy. Bitoon, Jaro Iloilo City.
Sa interview sang Bombo Radyo kay Councilor Duron, iya ginpahayag nga natingala ang pila ka mga manugpangisda bangud nga gindumilian na ang mga ini sa pagsulod sa lugar sang tion nga personal ini nga nagpadulong sa amo nga area.
Dugang pa sini nga nakapangalan sa Diego Agri Aqua and Land Ventures ang nasambit nga fishpond nga may lease agreement nga may petsa nga Pebrero 28, 2025 kag may numero nga 6351, kun sa diin sakop sini ang halos 35 ka ektarya sang lugar.
Napetsahan man nga Pebrero 28,2025 ang isa ka agreement nga may numbero nga FLA No. 3483-8 nga sakop ang 25 ka ektarya kag ginapanag-iyahan sang pareho lamang nga indibidwal.
Matandaan nga nagpatigayon sang imbestigasyon si Duron bangud sa alegasyon nga gin-hatagan sang pribado nga land titles ang halos 50 ka ektarya nga mangrove areas sa Iloilo Strait nga ginakabig nga protektado nga public land.
Sa karun, nagakabalaka si Duron sa halit nga posible nga matuga sini sa mga mangrove areas.
Ginpasiguro man sini nga handa siya maghimo sang tikang agud mapangapinan ang kinamatarong sang mga pumuluyo kag ang dunang manggad sa nasambit nga lugar.
 kag Department of Environment and Natural Resources (DENR) kun paano nakakuha sang Fishpond Lease Agreement ang 60 ka ektarya nga Mangrove area sa bahin sang Brgy. Bitoon, Jaro Iloilo City){kind=link}