Ginpangabay ni Councilor Ganzon, nga hawanan ang Session Hall agud hatagan pagkilala ang mga bisita kag mapalapad ang espasyo para sa media kag staff.
Sa interview sang Bombo Radyo kay Iloilo City Councilor Rudolph Jeffrey Ganzon, ginpahayag sini nga nangin kabahin siya sang pag-request nga hawanan anay ang Session Hall sang konseho bangud sang kadamuon sang bisita kag line-up sa agenda sang ila sesyon.
Suno kay Ganzon, importante nga mahatagan sang insakto nga pagkilala ang mga bisita, ilabi na ang media kag mga staff nga kis-a lang makakadto sa hall.
Nahambal man sini nga pagkatapos sang photo opportunity, pwede man makabalik sa ila pulungkuan ang mga bisita.
Dugang pa niya, kinahanglan man nga mangin convenient para sa tanan kag mahatagan sang lugar ang media team bangud limitado gid ang espasyo sa sulod. Sa subong, nagapangita pa sila sang mas maayo nga paagi bangud tama kagamay sang Session Hall.
