Ginbawian sang kabuhi ang isa ka municipal councilor sa Paglat sa Maguindanao del Sur matapos gintiro sang mga armado nga mga lalaki sa atubang mismo sang iya balay.
Ang biktima amo si Samoan Kitalok.
Base sa imbestigasyon, may ginasugilanon ini sa atubang sang ila balay sang hinali lang ginpalapitan sang mga armado nga mga lalaki kag gintiro ini sang pila ka beses.
Nag-angkon sang madamo nga igo sang bala ang biktima nga gintunaan sang iya kamatayon.
Padayon pa nga ginaimbestigaran sang otoridad ang insidente.
