𝗜𝗟𝗢𝗜𝗟𝗢 𝗖𝗜𝗧𝗬 — Ginbuyagyag ni Liga ng mga Barangay President Irene Ong nga ang iban sa mga gin-ubra nga drainage sang Department of Public Works and Highways (DPWH) Region 6 ang wala nagakonektar sang maayo.
Sa interview sang Bombo Radyo kay Iloilo City Councilor Iren Ong, iya ginpahayag nga ang iban nga proyekto sang nasambit nga ahensya ang indi konektado sa iban nga drainage rason nga madasig nga nagabaha sa pila ka mga parte sang Iloilo City.
Suno kay Ong, makaubra lang sila sang drainage ang okay na, sa diin, kalabanan sa proyekto ang nagatuga lamang sang mas mlala nga pagbaha.
Ginpahayag man sini nga nagakoordinar na sila sa City Engineers Office agud nga manduan ang ila nga declogging team agud ga mang-declog kag malimpyohan ang drainage.
Sa subong, tuyo sang natungdan nga tanan nga proyekto nga drainage sang mga kabarangayan ang paagyon sa Liga ng mga Barangay kag sa City Engineers Office agud nga masekyar kag mangin epektibo ang proyekto nga drainage.
