ILOILO CITY – Nagtawag na si Iloilo City Councilor Johnny Young kay Iloilo City Mayor Jerry Treñas may kaangtanan sa duha ka mga proposed ordinances sini nga nag-ani sang negatibo nga komento halin sa publiko.
Ang duha ka mga ordinansa ang ginalakipan sang pag-limit sang pagbaligya sang mga ambulant vendors kag ang pagbutang sang speed limit sang mga bisekleta.
Sa interview sang Bombo Radyo kay Treñas, iya ginpahayag nga gilayon nga nagtawag si Young agud kunsultahon ini kasunod sang ginpagwa nga statement sang alkalde sang nagligad nga semana.
Base sa pahayag sang alkalde, tubtob nga indi niya makita ang kabug-usan sang ordinansa, indi siya anay makahatag sang suporta.
Ginklaro man sang alkalde nga wala ini na-konsulta ni Young.
Ginsuportahan man ni Treñas ang pahayag sang Public Safety and Transportation Management Office nga mabudlay ang pagpatuman sang ordinansa nga naga-limit sang speed sang mga bisekleta.
Suno sa alkalde, kinahanglan nga may yara sang speedometer ang tagsa ka cyclist kag dapat man nga may speed gun ang traffic management office.
