Nagdangat na sa 2,588 ang ginpangbaklas sang Iloilo City Anti-Squatting and Illegal Structures Unit (ASISU) nga illegally posted campaign posters sa Iloilo City.
Sa interview sang Bombo Radyo kay Mr. Love Joy Hosenilla, head sang ASIS-U, iya ginpahayag nga ginpangtakod liwat sa mga kahoy kag poste ang ini nga posters kag tarpaulin sa syudad.
Yari ang top five nga kandidato ukon grupo sa may pinakadamo nga nakumpiskar sang ASIS-U:
- Councilor Lyndon Acap;
- Former Mayor. Atty. Joe Espinosa;
- Councilor Atty. Romel Duron;
- Councilor Jojo Javellana; kag
- Lacson-Sotto Tandem
Hugot ang pangabay sang ASIS-U sa mga kandidato nga indi na pag-ibalik ang ginpangkakas nga posters kag tarpaulin sa indi designated areas.
