Councilor Mabilog, ginkakibot nga wala ginsuporthan kag ginasura sang mayorya ang ginduso nya nga resolusyon
Ginkakibot ni Iloilo City Councilor Sheen Marie Mabilog nga wala ginsuportahan kag ginbasura sang mayorya ang iya ginduso nga resolution nga naga-commend kuntani kay Iloilo City Vice Mayor Lady Julie Grace “Love-Love” Baronda matapos ini nga gin-eleher nga Chairwoman sang National Movement of Young Legislators (NMYL).
Sa interview sang Bombo Radyo kay Mabilog, iya ginpahayag nga bugal gid sang siudad ang pagdaug ni Baronda sa amo nga posisyon sa national nga lebel.
Si Baronda amo ang nakabatun sang 921 votes, samtang 145 votes lang ang nabatun sang representate halin sa Ilocos Norte nga iya kontra para sa chairmanship.
Nahibaluan nga ang bise alcalde sang Iloilo amo ang labing una nga babayi sa Visayas nga nakaangkon sang nasambit nga pwesto.
Wala naman ginkakibot ni Vice Mayor Love Baronda ang desisyon sang konseho nga ibasura ang resolusyon nga gin-file ni Councilor Mabilog.
Sa interview sang Bombo Radyo kay Baronda, iya ginpahayag nga wala man siya nagalagas sang recognition bangud ang pagserbe lang sang maayo sa publiko ang iya prayoridad.
Nagpasalamat man ini sa mga naghatag sa iya sang kahiyagunan nga magpanguna bilang chairwoman sang nasambit nga organisasyon.
