Bangud sa narumpag nga kisame sa opisina sang Sangguniang Panlungsod Secretariat, ginpabutyag ni Councilor Sheen Marie Mabilog nga tuyo niya ipatawag ang contractor sang legislative building.
Sa interview sang Bombo Radyo kay Councilor Mabilog, importante gid nga istoryahan ini kaupod ang mga city councilors bangud kabahin ini sang public safety.
Ginpahayag man sang konsehal nga kinahanglan imbestigahan ang proyekto nga gingastuhan sang pondo sang pumuluyo, kag siguruhon nga wala sang sub-standard nga materyales nga gin-usar.
Ginpanindugan niya nga dapat may accountability kag transparency agud masiguro nga hilway ang building para sa tanan nga empleyado.
