Ginaproponer ni Iloilo City Councilor Nick Baronda sa city council nga hatagan sang penalty ang mga indibidwal nga madakpan nga may yara sang breeding ground sang lamok sa ila ugsaran.
Sa interview sang Bombo Radyo kay Councilor Baronda, former chairman sang committee on health, sanitations, and health services, iya ginpahayag nga indi tanan nga mga residente ang responsible bangud may yara sang mga napaninlo may yara man sang wala.
Suno kay Baronda, ang tikang ang magaduso man sa mga residente agud nga magpanglimpyo sa ila palibot ilabi na nga yara ang syudad sa state of calamity bangud man sa dengue outbreak.
Ginpahayag man sini nga sang siya ang nagtambong sa isa ka conference sa Singapore, nagpamangkot siya kon ngaa wala sang dengue sa amo nga pungsod kag ang nangin sabat sa iya amo bangud nga may multa ang mga residente nga matumod nga wala nagapanglimpyo.
Ginsaysay man sang natungdan nga ginpalab-ot na sini sa city council nga tun-an ang tikang agud nga maimplementar man sa syudad.
