Bukas si Iloilo City Councilor Rex Marcus Sarabia nga ipakita sa publiko ang iya nga Statement of Assets, Liabilities, and Net Worth (SALN).
Suno sa konsehal, wala siya sang ginatago bilang opisyal sang gobyerno.
Dugang sini, isa ka maayo nga tikang para sa transparency ang public access sa sini nga dokumento.
Matandaan nga sini nga semana, nagpaguwa sang memorandum ang Office of the Ombudsman nga amo ang nagakakas sang barriers sa pag-access sa mga SALN sang mga public officials.
Nasulod sa SALN ang summary sang assets kag properties sang mga opisyal kag empleyado sang gobyerno, kag ini nga dokumento ang ginagamit agud ma-monitor ang manggad sang public servants.
Sang tion ni former Ombudsman Samuel Martires, mahimo lamang ma-access ang SALN paagi sa opisyal ukon duly authorized representative sang tag-iya sini.
Sa memorandum naman ni Remulla, ginatugutan ang publiko nga makit-an ang SALN para sa “inspection and reproduction.”
