Ginkumpirma ni Iloilo City Councilor Johnny Young nga indi pa matumod kon may makontra sa pagka-bise alkalde si incumbent Vice Mayor Jeffrey Ganzon.
Ini kasunod man nga wala nadala si Ganzon sa pahayag nga ginpaguwa ni Mayor Jerry Treñas nga magatingob sila ni City Lone District Rep. Julienne “Jam-Jam” Baronda kag sang iya anak nga si Raisa Treñas-Chu.
Sa interview sang Bombo Radyo kay Young, iya gintumod nga nagapabilin nga ‘unconfirm’ nga may kasumpong si Ganzon sa amo nga posisyon.
Suno kay Young, agud masigurado ang plastada, hulaton na lang nga maka-file sang certificate of candidacy (COC) ang mga kandidato.
Ginpahayag man sini nga posible man nga may yara sang ibutang ang kampo ni Baronda sa amo nga posisyon nga mahimo makontra ni Ganzon.
Gin-athag man sang natungdan nga madayon sa pagpapili ang mga konsehal nga yara sa ila grupo kag sa grupo ni Baronda apisar nga magatingob ang duha ka grupo.
