ILOILO CITY – Temporaryo nga ginpauntat ang pagpatigayon sang COVID-101 nga programa sa mga barangay sa syudad sang Iloilo.
Ang COVID-101 ang kabahin sang kampanya sang Iloilo City Government agud maedukar ang publiko sa bakuna kag mapataas pa ang vaccine confidence sang kadam-an agud masuportahan man ang mass vaccination program.
Sa interview sang Bombo Radyo kay Mr. Jeck Conlu, COVID-19 team spokesperson sang syudad, iya ginpahayag nga ginasunod lang ang mandu ni Mayor Jerry Treñas nga maglikaw anay sa pagtipon-tipon agud indi na magsaka ang COVID-19 cases.
Suno kay Conlu, obserbaran anay ang COVID-19 situation sang syudad sang isa ukon duha ka semana kag ibase diri kun san-o na magaresume ang amo nga programa.
