Masarangan pa sang mga pribado nga ospital sa pungsod ang pag-akomodar sa mga COVID-19 patients apisar nakit-an nga may pagtaas sa COVID-19 admissions.
Suno kay Dr. Jose Rene De Grano, presidente sang Private Hospitals Association of the Philippines, ang occupancy rate sa kalabanan nga private hospitals ang yara sa 40 tubtob 50 percent magluwas lang sa pila ka bahin sang National Capital Region kag Central Visayas.
Indi pa man makabig suno sa iya nga critical level ang occupancy rate.
Sa National Capital Region, high risk level ang mga occupancy rate sa mga private hospital sa Pasay, Malabon, kag Makati.
Una na nagpahayag ang Department of Health nga yara pa lang sa “moderate-risk” level ang COVID-19 admissions sa mga ospital sa Metro Manila, Cagayan Valley kag Central Visayas.
