IRELAND – Naglab-ot na sa kapin 16,000 ang kumpirmado nga kaso sang Coronavirus Disease 2019 (COVID-19) sa Ireland.
Suno kay Bombo International Correspondent Pralyn Oriemo, yara sa 15,652 ang kumpirmado nga kaso sang COVID-19 kag sa tagsa ka 6:00 sa gab-i, nagahatag sang update ang gobyerno sang Ireland tuhoy sa nasambit nga virus.
Suno kay Oriemo, ginpasirado ang mga commercial establishment apang nagapabilin nga bukas ang grocery stores, supermarkets, botika kag hospital.
Ginpahayag ni Oriemo nga indi mandatory ang pagsuksok sang facemask sa tion nga magguwa sa balay apang istrikto nga ginapatuman ang physicial distancing.
May kaangtanan naman sa mga nadulaan sang trabaho, ang apektado nga mga empleyado ang nagabaton sang €350 sa tagsa ka semana halin sa gobyerno sang Ireland.
Bastante naman suno sa natungdan ang Personal Protective Equipment para sa frontliners.
