MARYLAND, USA – Masobra na sa 710,000 ang kumpirmado nga kaso samtang kapin naman sa 37,000 ang patay bangud sa Coronavirus Disease 2019 (COVID-19) sa Estados Unidos.
Suno kay Bombo International Correspondent Ramon Celeste, iya ginpahayag nga sa subong, masobra sa 11,000 ang COVID-19 case sa ila lugar sa Maryland samtang masobra naman sa 300 ang patay.
Suno kay Celeste, ang frontliners kag ang mga empleyado sang essential establishments lang ang mga nagatrabaho samtang wala naman ginapahanugutan ang pag dine-in sa mga restuarant ukon fast food chain kag sa baylo, mahimo na lang nga mag-order sang pagkaon online.
Sa subong, nagapanguna sa gihapon sa may pinakamadamo nga COVID-19 case amo ang New York, New Jersy, Massachusetts kag Michigan.
Ginpahayag ni Celeste nga amat-amat na nga ginapanghatag sang US Government ang stimulus payment package sa mga pumuluyo.
