VIETNAM – Wala pa sang may napatay bangud sa Coronavirus Disease 2019 (COVID-19) bangud sa istrikto nga preventive measures sa Vietnam.
Sa Good Morning Philippines program, ginpahayag ni Liezel sang Guimaras kag nagatrabaho sa Ho Chi Minh, Vietnam, nga sa subong, naglab-ot sa 94 ang COVID-19 case apang zero casualty sa gihapon.
Suno kay Liezel, apisar wala ginalimitahan ang pagguwa sa pampubliko nga lugar apang istrikto nga ginapatuman sang Vietnam Government ang pagpasuksok sang facemask kag kun mahimo, ang mga wala ang importante nga transaksyon ang wala na lang nagaguwa sa ila balay.
Ginpahayag man ni Liezel nga ang mga halin sa iban nga pungsod nga nagpauli sa Vietnam ang ginapaidalom gid sa 14-day quarantine samtang ginsuspende naman ang klase sa tanan nga lebel kag ginapaagi lang sa online ang pagtudlo.
Suspendido naman ang pagpatigayon sang mass gatherings kag ginpasirado na ang iban nga commercial establishment lakip na ang simbahan kag sa baylo, ginapaagi na lang sa live streaming ang misa.
May kaangtanan naman sa mga lugar sa Vietnam nga may yara sang COVID-19 case, hugot nga ginapatuman ang lockdown kun sa diin ang gobyerno na ang nagahatag sang kinahanglanon sang mga pumuluyo.
