ILOILO CITY – Padayon sa pagnubo ang kaso sang mga positibo sa COVID-19 sa syudad sang Iloilo.
Sa interview sang Bombo Radyo kay Jeck Conlu, pinuno sang Public Safety and Transportation Management Office kag COVID-19 Team Spokesperson, iya
ginpahayag nga sang tinalikdan nga adlaw, nakarekord lamang sang duha ka kaso sang nagpositibo sa virus ang siyudad sang Iloilo.
Ini ang ginkabig nga pinakamanubo nga kaso sang COVID-19 sa siyudad sa sulod lamang sang isa ka adlaw.
Suno kay Conlu, nagasibo naman ang data sang Department of Health kag sang Iloilo City.
Pahayag sang natungdan, mas ginpasangkad ang papel sang mga barangay officials sa paglimita sang mga social gathering kag pag-istrikto sa pagpatigayon sang minimum health protocols sa pumuluyo.
Nahibaluan nga sa subong, nakakas na ang Iloilo City sa listahan sang mga lugar nga high risk sa COVID-19 sa Pilipinas.
