ILOILO CITY – Nagsaka sa 101 ang kaso sang Coronavirus Disease 2019 (COVID-19)sa Western Visayas.
Suno kay Dr. Ma. Sophia Pulmones, pinuno sang Local Health Support Division kag COVID-19 spokesperson sang Department of Health 6, duha ang nagdugang sa mga kumpirmado nga kaso, nagsaka sa 54 ang naka recover kasunod sang 12 nga nagdugang samtang nagapabilin naman sa 10 ang patay bangud sa nasambit nga virus.
Sa 168 ka laboratory results nga ginpaguwa sang Western Visayas Medical Center as of May 14, 166 ang nagnegatibo kun sa diin tatlo ang ginpaidalom sa repeat testing samtang duha naman ang kumpirmado nga kaso.
Ang duha ka pasyente nga nagdugang sa listahan sang kumpirmado nga kaso amo sanday Patient no. 100 nga amo ang 23 anyos nga lalalki sang Banate, Iloilo kag Patient no. 101 nga amo ang 28 nga lalaki sang Bacolod City nga lunsay naka facility quarantine.
Ang mga naka recover naman amo sanday:
Patient no. 25 – 44 anyos nga babayi sang Lambunao, Iloilo
Patient no. 47 – 26 anyos nga lalaki sang Tigbauan, Iloilo
Patient no. 57 – 42 anyos nga lalaki sang Candoni, Negros Occidental
Patient no. 58 – 32 anyos nga babayi sang Lambunao, Iloilo
Patient no. 59 – 31 anyos nga lalaki sang Zarraga, Iloilo
Patient no. 63 – 28 anyos nga babayi sang Jaro, Iloilo City
Patient no. 65 – 49 anyos nga lalaki sang Caluya, Antique
Patient no. 66 – 48 anyos nga lalaki sang Arevalo, Iloilo City
Patient no. 72 – 27 anyos nga lalaki sang Buenavista, Guimaras
Patient no. 77 – 30 anyos nga lalaki sang Iloilo City Proper
Patient no. 81 – 24 anyos nga lalaki sang Nueva Valencia, Guimaras
Patient no. 82 – 28 anyos nga lalaki sang Mandurriao, Iloilo City
Sa subong, ang Aklan ang may 6 ka COVID-19 cases, 14 sa Antique, 5 sa Capiz, 19 sa Iloilo, 2 sa Negros Occidental, 9 sa Bacolod City, 16 sa Iloilo City kag 30 sa repatriates.
