ILOILO CITY – Nagsaka sa 11 ang kumpirmado nga kaso sang Coronavirus Disease 2019 (COVID-19) sa Western Visayas matapos nga duha ang nagdugang sa listahan.
Suno kay Dr. Renilyn Reyes, COVID-19 spokesperson sang Department of Health 6, ang duha ka panibag-o nga COVID-19 cases ang ginalakipan sang Patient no. 110 – 23 anyos nga lalaki sang Pandan, Antique kag Patient no. 111 – 33 anyos nga lalaki sang Lapuz, Iloilo City nga lunsay repatriated Overseas Filipino Workers.
Ang duha ka COVID-19 patient ang lunsay asymptomatic kag naka facility quarantine samtang nagapabilin sa gihapon sa 78 ang naka recover kag 10 ang patay.
As of May 28, 3 sa 302 ka laboratory results nga ginpaguwa sang Western Visayas Medical Center ang positibo apang duha diri ang makabig nga new cases samtang isa ang positibo sa repeat testing.
Anum ang pangkabug-usan nga COVID-19 cases sa Aklan, 14 sa Antique, 6 sa Capiz, 20 sa Iloilo, 3 sa Negros Occidental, 9 sa Bacolod City, 18 sa Iloilo City kag 35 sa repatriates.
