ILOILO CITY – Naglab-ot na sa 1,158 ang kumpirmado nga kaso sang Coronavirus Disease 2019 (COVID-19) sa Western Visayas.
As of July 28, 17 ka panibag-o nga kaso sang COVID-19 ang nagdugang sa listahan samtang nagapabilin naman sa 629 ang naka-recover kag 16 sa gihapon ang patay.
Sa 1,835 ka laboratory results nga ginpaguwa, 1,816 diri ang nagnegatibo kag 19 ang nagpositibo apang duha diri ang ginpaidalom sa repeat test.
Sa 17 ka pasyente, 4 ang admitted sa hospital, duha ang naka-home quarantine kag 11 ang naka-facility quarantine.
Sa subong, naglab-ot sa 6 ang COVID-19 cases sa Aklan, 16 sa Antique, 7 sa Capiz, 1 sa Guimaras, 85 sa Iloilo Province, 46 sa Negros Occidental, 82 sa Bacolod City, 73 sa Iloilo City, 842 sa Repatriates/LSIs kag 21 naman ang nalakip sa Tagged to other regions.
