ILOILO CITY – Nagsaka sa 137 ang kumpirmado nga kaso sang Coronavirus Disease 2019 (COVID-19) sa Western Visayas samtang nagsaka man sa 100 ang mga naka recover.
As of June 12, duha sa 271 ka specimen ang nagpositibo apang isa lang diri ang panibag-o nga kaso samtang ang isa naman ang nagpositibo sa repeat test.
Ang pasyente nga nagdugang sa mga COVID-19 positive amo ang Patient no. 137 – 52 anyos nga babayi sang Bacolod City, isa ka Locally Stranded Individual kag naka home quarantine.
Ang mga naka recover naman amo sanday:
Patient no. 78 – 43 anyos nga babayi sang Arevalo, Iloilo City
Patient no. 107 – 44 anyos nga lalaki sang Jordan, Guimaras kag isa ka repatriated Overseas Filipino Worker
Patient no. 111 – 33 anyos nga lalaki sang Lapuz, Iloilo City kag isa ka repatriated Overseas Filipino Worker
Patient no. 114 – 55 anyos nga lalaki sang Igbaras, Iloilo
Sa subong, 11 sa gihapon ang patay bangud a COVID-19 sa bug-os nga rehiyon.
Ang Aklan ang may 6 ka COVID-19 cases, 14 sa Antique, 6 sa Capiz, 21 sa Iloilo Province, 3 sa Negros Occidental, 11 sa Bacolod City, 19 sa Iloilo City kag 57 sa repatriates.
