ILOILO CITY – Naglab-ot na sa 6,153 ang kabug-usan nga numero sang Coronavirus Disease 2019 (COVID-19) sa Western Visayas matapos nga 199 ka panibag-o nga kaso ang nagdugang.
As of September 7, 208 gikan sa 1,126 ka laboratory results ang nagpositibo apang siyam diri ang nagpositibo sa repeat test.
Sa 199 ka news cases, 1 ang naghalin sa Antique, 1 sa Capiz, 13 sa Iloilo, 99 sa Negros Occidental, 58 sa Bacolod City kag 27 sa Iloilo City.
Sa subong, 3,029 ang total active cases samtang 120 naman ang na record nga recoveries kun sa diin 3,034 na ang kabug-usan nga numero kag 3 ang nagdugang sa casualty kun sa diin 90 na ang kabug-usan nga numero.
Sa pangkabug-usan, ang Aklan ang may 12 ka COVID-19 cases, Antique nga may 32, Capiz nga may 115, Guimaras nga may 51, Iloilo Province nga may 525, Negros Occidental nga may 839, Bacolod City nga may 1,694, Iloilo City nga may 1,242, ROFs, LSIs kag APORs nga may 1,643 kag 38 ang nalakip sa Tagged to other regions.
