ILOILO CITY – Naglab-ot na sa 894 ang kabug-usan nga numero sang Coronavirus Disease 2019 (COVID-19) matapos nga 37 ka panibag-o nga kaso ang na record as of July 23.
Sa 598 ka laboratory results nga ginpaguwa, 555 ang nagnegatibo kun sa diin 43 ang positibo, isa ang nagpositibo sa repeat test apang 5 diri ang nalakip sa kategorya nga Tagged to other region.
Ang mga naka-recover naman ang naglab-ot sa 564 matapos nga 27 ang nagdugang sa listahan samtang nagapabilin sa 16 ang patay.
Sa interview sang Bombo Radyo kay Dr. Ma. Sophia Pulmones, pinuno sang Local Health Support Division sang Department of Health Region 6, iya ginpahayag nga sa 37 ka panibag-o nga kaso, isa diri ang admitted sa hospital, 2 ang naka home quarantine kag 34 naman ang naka facility quarantine.
Suno kay Pulmones, kalabanan sa mga nagpositibo amo ang Locally Stranded Individuals kag repatriated Overseas Filipino Workers magluwas sa isa sa Pototan, Iloilo, tatlo sa syudad sang Iloilo kag duha sa Bacolod City.
Kun tuhoy naman sa sitwasyon sang quarantine facilities sa Western Visayas, ginpahayag ni Pulmones nga kalabanan ang yara na sa warning zone.
Sa subong:
Aklan – 6
Antique – 15
Capiz – 6
Iloilo Province – 57
Negros Occidental – 34
Bacolod City – 29
Iloilo City – 54
Repatriates/LSIs – 678
Tagged to other region – 15
