ILOILO CITY – Nagsaka na sa 1,794 ang kumpirmado nga kaso sang Coronavirus Disease 2019 (COVID-19) sa Western Visayas.
Sa 1,861 ka laboratory results, 104 ang nagpositibo apang 11 diri ang nagpositibo sa repeat test.
As of August 6, naglab-ot sa 93 ang panibag-o nga kaso kun sa diin 37 ang naghalin sa Negros Occidental, 32 sa Iloilo City, 16 sa Iloilo, 4 sa Bacolod City kag duha sa Antique.
Naglab-ot naman sa 918 ang total active cases samtang nagsaka sa 852 ang numero sang naka-recover matapos nga 34 ang nagdugang kag nagsaka naman sa 24 ang numero sang ginbawi-an sang kabuhi matapos nga duha ang nagdugang sa listahan.
Ang mga ginbawi-an sang kabuhi amo sanday:
Patient no. 1,143 – 78 anyos nga babayi sang Iloilo City Proper
Patient no. 1,721 – 69 anyos nga lalaki sang San Juan, Molo, Iloilo City
May isa naman ka COVID-19 case nga nalakip sa kategorya nga Tagged to other regions kag ang pasyente ang naka-facility quarantine.
Aklan – 6
Antique – 16
Capiz – 8
Guimaras – 1
Iloilo Province – 104
Negros Occidental – 61
Bacolod City – 157
Iloilo City – 151
ROFs/LSIs/APORs – 1,290
Tagged to other regions – 30
