ILOILO CITY – Nagsaka sa 2,981 ang kumpirmado nga kaso sang Coronavirus Disease 2019 (COVID-19) sa Western Visayas matapos nga 86 ang nagdugang sa listahan.
Naglab-ot naman sa 1,666 ang total active cases sa Rehiyon 6.
As of August 18, 549 gikan sa 639 ka laboratory results ang nagnegatibo kun sa diin 90 diri ang positibo apang 86 lang ang makabig nga new cases.
Kun pahat-pahaton ang 86 new cases:
Antique – 1
Guimaras – 12
Iloilo Province – 15
Iloilo City – 22
Negros Occidental – 15
Bacolod City – 21
Sa nasambit nga numero:
Returning Overseas Filipino – 1
Locally Stranded Individual – 4
Local – 81
18 ka panibag-o nga recoveries ang nagdugang sa listahan kun sa diin naglab-ot na sa 1,273 ang kabug-usan nga numero.
Ang 18 ka mga pasyente nga nag-ayo ang naghalin sa:
Guimaras – 2
Iloilo Province – 3
Iloilo City – 13
Nagsaka naman sa 42 ang ginbawi-an sang kabuhi matapos nga apat ang nagdugang.
Ang 4 ka new death cases ang ginalakipan sang:
-63 anyos nga lalaki sang Estancia, Iloilo
-79 anyos nga lalaki sang Barotac Viejo, Iloilo
-74 anyos nga babayi sang Bacolod City
-54 anyos nga lalaki sang Bacolod City
Sa subong, ang Aklan ang may 9 ka COVID-19 cases, Antique nga may 24, Capiz nga may 17, Guimaras nga may 31, Iloilo Province nga may 272, Negros Occidental nga may 214, Bacolod City nga may 349, Iloilo City nga may 599, ROFs, LSIs kag APORs nga may 1,466 kag 34 ang nalakip sa Tagged to other regions.
