ILOILO CITY – Nagsaka na sa 4,073 ang kumpirmado nga kaso sang Coronavirus Disease 2019 (COVID-19) sa Western Visayas matapos nga 178 ang nagdugang sa listahan samtang apat naman ang confirmed cases nga nalakip sa Tagged to other regions.
As of August 28, 206 gikan sa 572 ka laboratory results ang nagpositibo apang ang 24 diri ang nagpositibo sa repeat test.
Nagsaka man sa 2,132 ang numero sang naka-recover matapos nga 260 ang nagdugang samtang 4 naman ang nagdugang sa casualty kun sa diin naglab-ot na sa 60 ang kabug-usan nga numero.
Sa 178 ka panibag-o nga kaso sa Western Visayas, 1 ang gikan sa Aklan, 14 sa Capiz, 1 sa Guimaras, 6 sa Iloilo, 18 sa Negros Occidental, 93 sa Bacolod City kag 45 sa Iloilo City.
Naglab-ot naman sa 1,881 ang total active cases sa Rehiyon 6.
Sa pangkabug-usan, ang Aklan ang may 10 ka COVID-19 cases, Antique nga may 27, Capiz nga may 52, Guimaras nga may 44, Iloilo Province nga may 396, Negros Occidental nga may 417, Bacolod City nga may 769, Iloilo City nga may 839, ROFs, LSIs kag APORs nga may 1,519 kag 38 ang nalakip sa Tagged to other regions.
