ILOILO CITY – Nadugangan sang duha ang panibag-o nga kaso sang Coronavirus Disease 2019 (COVID-19) sa Western Visayas apang nadugangan man sang tatlo ang naka recover.
Suno kay Dr. Renilyn Reyes, COVID-19 spokesperson sang Department of Health 6, naglab-ot na sa 113 ang kumpirmado nga kaso sang COVID-19, 81 ang naka recover samtang nagapabilin sa 10 ang patay.
Sa 296 ka laboratory results nga ginpaguwa sang Western Visayas Medical Center as of May 29, 294 ang negatibo samtang duha ang positibo.
Ang duha ka panibag-o nga pasyente amo ang Patient no. 112 – 52 anyos nga lalaki sang La Paz, Iloilo City kag Patient no. 113 – 36 anyos nga babayi sang Bacolod City nga lunsay naka facility quarantine.
Ang mga naka recover naman amo sanday:
Patient no. 45 – 65 anyos nga lalaki sang Caluya, Antique
Patient no. 64 – 43 anyos nga babayi sang Caluya, Antique
Patient no. 90 – 42 anyos nga lalaki sang Tobias Fornier, Antique nga isa ka repatriated Overseas Filipino Worker
Sa subong, ang Aklan ang may 6 ka COVID-19 cases, 14 sa Antique, 6 sa Capiz, 20 sa Iloilo, 3 sa Negros Occidental, 10 sa Bacolod City, 19 sa Iloilo City kag 35 sa repatriates.
