ILOILO CITY – 115 ka panibag-o nga kaso sang Coronavirus Disease 2019 (COVID-19) ang nagdugang kun sa diin nagsaka sa 3,555 ang kabug-usan nga numero sa Western Visayas.
As of August 24, 117 gikan sa 864 ka laboratory results ang nagpositibo apang 115 lang ang makabig nga new cases.
Sa 115 ka panibag-o nga kaso, 7 ang naghalin sa Capiz, 6 sa Guimaras, 21 sa Iloilo Province, 19 sa Negros Occidental, 20 sa Bacolod City kag 42 sa Iloilo City kun sa diin 104 ang Local samtang 11 naman ang Returning Overseas Filipinos.
Nagsaka naman sa 1,530 ang numero sang mga naka-recover matapos nga 7 ang nagdugang sa listahan samtang nadugangan sang 1 ang casualty kun sa diin 54 na ang kabug-usan nga numero.
Naglab-ot sa 1,971 ang total active cases sa Rehiyon 6.
Sa subong, ang Aklan ang may 9 ka COVID-19 cases, Antique nga may 26, Capiz nga may 33, Guimaras nga may 40, Iloilo Province nga may 347, Negros Occidental nga may 333, Bacolod City nga may 545, Iloilo City nga may 734, ROFs, LSIs kag APORs nga may 1,488 kag 34 ang nalakip sa Tagged to other regions.
