ILOILO – Isa ka repatriated locally stranded individual (LSI) kag duha ka repatriated overseas Filipino workers (OFWs) ang nagdugang sa kumpirmado nga kaso sang coronavirus disease 2019 (COVID-19) sa Western Visayas.
Sa COVID-19 Case Bulletin No. 76 nga ginpagwa sang Department of Health (DOH) Western Visayas Center for Health Development, ang mga nagpositibo amo sanday:
*WV 128: 32 anyos, lalaki, taga-Bacolod City;
*WV 129: 28 anyos, lalaki, taga-La Castellana, Negros Occidental; kag,
*WV 130: 61 anyos, lalaki, taga-Arevalo, Iloilo City
Ang tatlo ang lunsay nakapaidalom na sa facility quarantine.
Sa subong, kabug-usan nga 130 ang COVID-19 cases sa rehiyon kag nagapabilin sa onse ang napatay. Kun pahat-pahaton, may anum ka kaso sa Aklan, 14 sa Antique, anum sa Capiz (duha ang patay), 21 sa probinsya sang Iloilo (apat ang patay); tatlo sa Negros Occidental, 11 sa Bacolod City (tatlo ang patay), 19 sa syudad sang Iloilo (isa ang patay), kag 50 sa repatriates (isa ang patay).
As of June 10, yari naman ang bag-o nga record sang naka-recover.
*WV 86: 27 anyos, babayi, taga-Bacolod City;
*WV 99: 27 anyos, lalaki, taga-Bago City, Negros Occidental;
*WV 101: 28 anyos, lalaki, taga-Bacolod City;
*WV 108: 41 anyos, lalaki, taga-Bacolod City;
*WV 116: 38 anyos, lalaki, taga-Bacolod City;
*WV 118: 43 anyos, lalaki, taga-Bacolod City.
Ang nasambit nga mga recoveries ang lunsay repatriated OFWs. Sa kabug-usan, nagsaka na sa 94 ang COVID-19 recoveries sa rehiyon.
#
