ILOILO CITY – Natumod na sang City Epidemiology and Surveillance Unit (CESU) ang index case ukon ang ginhalinan sang coronavirus disease 2019 (COVID-19) sa Iloilo City Treasurer’s Office.
Suno kay Dr. Gold Calsas, chief epidemiologist sang Iloilo City Health Office, ang index case amo ang 46 anyos nga babayi nga empleyado sang nasambit nga talatapan.
Ginpahayag nga nakabatyag sang malala nga sintomas sang COVID-19 ang pasyente umpisa sang Setyembre 1 apang nagpadayon pa sa pagreport sa trabaho tubtob sang Setyembre 6.
Sa sini nga time period posible suno kay Calsas nga naglaton ang COVID-19 sa iban nga personnel sang opisina.
As of September 23, may yara sang 33 ka COVID-19 positive cases sa Iloilo City Treasurer’s Office kag 75 ang negative sa ginpatigayon nga swab test.
Napatigayon na ang duha ka adlaw nga disinfection sa lugar. #
