OSLO, NORWAY- Naglab-ot na sa 25 ang kumpirmado nga kaso sang coronavirus disease 2019 ukon covid-19 sa pungsod Norway.
Sa interview sang Bombo Radyo kay Jean Larrosa Arsenal sang Lambunao, Iloilo kag 12 ka tuig na nga nagatrabaho sa Oslo, Norway, iya ginpahayag nga ang pinakaulihi nga nag positibo sa covid-19 ang duha ka trabahador sa ospital nga nagbakasyon sa Italy.
Suno kay Arsenal, sang nagbalik ang duha kag nag-duty sa ospital, didto na kag nagdamo ang ila nalatnan.
Sa subong suno kay Arsenal, may yara pa sang 28 nga ginpaidalom sa test.
Magluwas diri, may 300 naman ka mga pumuluyo ang ginpaidalom nalang sa home quarantine bangud kulang sa pasilidad ang mga ospital sa lugar.
Wala naman sang kanselasyon sang mga klase kag opisina.
Na-obserbahan naman ni Arsenal nga kaangay nga wala nakulbaan ang mga tawo sa covid-19 bangud sa ila pagpati nga flu lamang ini kag indi man delikado kun mabaskog ang immune system.
