ILOILO CITY – Ginakabig sang Armed Forces of the Philippines nga isa ka public concern ang Coronavirus Disease 2019 (COVID-19) pandemic.
Ini ang pahayag ni Captain Cenon Pancito III, tagpamaba sang 3rd Infantry Division sang Philippine Army, tuhoy sa ila katungdanan may kaangtanan sa pagpatuman sang preventive measures kag border restrictions.
Sa interview sang Bombo Radyo kay Pancito, iya ginpahayag nga sila sa Philippine Army ang may daku nga katungdanan bilang frontliners sa patag sang pagpatuman sang seguridad.
Suno kay Pancito, antes pa man nagmandu si Presidente Rodrigo Duterte nga magbulig ang Armed Forces of the Philippines sa pagpatuman sang preventive measures, nakaplastar na ang ila nga deployment para sa information dessimination.
Ginpahayag ni Pancito nga ang ila katungdanan amo ang paghatag sang transportasyon kag magserbe nga augmentation sa pagpatuman sang security measures apang nakahanda man sila nga magbulig sa iban pa nga trabaho ilabi na kun may mandu ang Inter-Agency Task Force.
Kun kaisa suno sa natungdan, ang ila pagpakigbahin sa preventive measures ang may ‘misinterpretation’ ilabi na sa bahin sang rebelde nga grupo.
