ALIMODIAN, ILOILO – Pito ang natalana nga ipaidalom sa Reverse Transcription Polymerase Chain Reaction (RT-PCR) test matapos nga nagpositibo ang isa ka pasyente nga residente sang Alimodian, Iloilo.
Sa interiew sang Bombo Radyo kay Vice Mayor Ian Kenneth Alfeche, iya ginpahayag si Patient no. 1,171 – 51 anyos nga lalaki ang regular nga nagapa-dialysis sa syudad sang Iloilo.
Suno kay Alfeche, ang nasambit nga pasyente ang naka-facility quarantine apang ginpakamaayo nga i-admit na lang sa hospital kag ginakabig nga close contact sang isa pa gid ka pasyente nga iya nakadungan sa dialysis center.
Ginpahayag ni Alfeche nga lunsay mga kaupod sa balay ang naka-angkon sang close contact sa 51 anyos nga lalaki, naka-home quarantine kag natalana nga ipaidalom sa RT-PCR test.
Ang nasambit nga pasyente ang nalakip sa case bulletin nga ginpaguwa sang Department of Health Region 6 as of July 29.
