Ginkwestyon sang Commission on Audit (COA) ang Purchase Orders sang Iloilo City Government nga may nanuhay-tuhay nga suppliers pinaagi sa negotiated procurement nga may total amount nga P123.072 Million.
Sa P123.072 Million nga gingasto sang syudad, kapin P79.9 Million ang nagkadto sa Food items, kapin P5.3 Million ang nagkadto sa liquid chlorine, kag kapin P37.7 Million ang nagkadto sa medical supplies bilang kabahin sang COVID-19 response.
Santo sa COA, napaslawan ang gobyerno sang syudad sa paghatag sang maathag kag nagakaigo nga timeline sang delivery kag duration of contract sang mga procured items.
Santo sa gina-require nga Purchase Order (PO) kag Letter of Order (LO) sang COA, nagakadapat nga napahat-pahat ang mga masunod sang Supply Officer (SO):
• Office kun sa diin i-charge ang account;
• Requisition Number;
• Name kag address sang contractor/supplier;
• Opisina kun sa diin pagakolektahon ang payments;
• Kompleto nga description kag specifications sang supplies;
• Iban pa nga impormasyon kag data nga kinahanglan agud matumod ang mga masunod:
• Nature kag kalidad sang items nga ginbakal;
• Kantidad kag unit price sang items;
• Period of delivery;
• Shipping terms, directions kag iban pa nga conditions sang delivery;
• Provisions sa mga penalidad para sa late ukon no delivery;
• Conditions angot sa importation, [kun may yara]; kag
• Date sang effectivity kag termination of contract
Nahibaluan nga ini nga findings ang santo sa Audit Observation Memorandum No. 2021-04.
