ILOILO CITY – Nagpahanumdom ang COVID-19 Compliance Team sang Iloilo City Government sa pumuluyo sa syudad sang Iloilo nga likawan ang pag-inom kag pagtililipon sa publiko sa pagsug-alaw sang bag-ong tuig.
Sa interview sang Bombo Radyo kay Mr. Jeck Conlu, spokesperson sang COVID-19 Team, iya ginpahayag nga padayon ang paglibot kag pagmonitor sang Compliance Team tubtob sa bag-ong tuig.
Suno kay Conlu, ini agud masiguro ang matalunsay nga pagselebrar sang pumuluyo sa nagahilapit na nga bag-ong tuig.
Magluwas diri, hugot nga ginpanugyan sang natungdan nga magtinir kag magselebrar lamang sa sulod sang mga balay agud malikawan ang COVID-19.
