ILOILO CITY -Padayon ang monitoring sang COVID-19 Team sang Iloilo City Government sa tanan nga mga nagabusong sa syudad sang Iloilo.
Sa exclusive interview sang Bombo Radyo kay Jeck Conlu, spokesperson sang COVID-19 Team sang Iloilo City Government, iya ginpahayag nga kada semana may ginapatigayon nga swab testing ukon Reverse transcription polymerase chain reaction (RT-PCR) test sa mga pregnant mothers ukon mga nagabusong.
Suno kay Conlu, sa subong may yara sang lima ka mga positibo nga kaso sang COVID-19 sa mga nagabusong sa diin lunsay mga manugbata naman.
Nagpanugyan naman ang Iloilo City Government sa tanan nga mga nagabusong sa syudad sang Iloilo nga indi anay maguwa sa mga panimalay kag mahalong ilabi na nga makabig sila nga vulnerable sa COVID-19 virus.
