Ginahitso na subong ni Department of Health Sec. Francisco Duque III ang paghimo sang paagi agud mangin libre ang pagpatest sang mga Pilipino batok sa COVID-19.
Ini ang kasunod man sang mando ni Presidente Rodrigo Duterte sa tiglikom nga maghimo sang plaano kaangot sa nasambit nga tikang.
Suno kay Duque, P4,500 tubtub P5,000 ang presyo sang reverse transcription polymerase chain reaction (RT-PCR) testing kung private health facilities ang magpatigayon, apang P3,800 naman kung government facilities.
“Kailangan po iyong private laboratory…kasi limited ang capacity ng ating government laboratories, although we have been expanding our capacity,” pahayag ni Duque.
Sa pihak sini, mas luyag sang Presidente nga wala sang gastuhon ang mga Pilipino nga magapatest sa COVID-19.
Ginpahayag sang presidente nga apisar may plano na ang gobyerno agud makakuha sang bakuna batok sa COVID-19, malawig nga panahon sa gihapon ang hulaton antes malab-ot ang target nga numero sang mga Pilipino.
“Tignan ko kung may pera magbigay nalang tayo and all government hospitals and health centers mabigay natin na libre, free of charge, target 2nd quarter if you can have a program review and look for the money,” pahayag ni Duterte.
Nagpabor naman si Duque kag ginpasalig nga sundon ang mando sang Presidente.
