Nagpanguna liwat ang probinsya sang Iloilo sa may pinakamataas nga bag-o nga kaso sang COVID-19 sa Western Visayas.
Sa 488 ka new cases sa Rehiyon 6, nagdangat sa 156 ka local cases ang narekord sa Iloilo Province, 144 ang halin sa Aklan, 69 sa Iloilo City, 47 sa Negros Occidental, 44 sa Antique, 21 sa Bacolod City, kag 7 sa Guimaras.
Wala naman sang nagdugang nga kaso sa probinsya sang Capiz.
Sa Agusto 9 nga bulletin sang DOH Region VI, naglab-ot na sa 10,296 ang active cases sang coronavirus sa rehiyon out of 90,041 nga cumulative number of cases.
615 naman ang bag-o nga recoveries kag 13 ang new deaths.
Sa latest bulletin, 77,657 na ang total reported recoveries, kag 2,065 ang total reported deaths.
Kun pahat-pahaton ang active cases sa Western Visayas:
Aklan – 2,077
Antique – 938
Capiz – 729
Guimaras – 122
Iloilo Province – 2,911
Negros Occidental – 1,379
Bacolod City – 847
Iloilo City – 1,293
