Nadugangan sang 999 ka mga kaso sang Coronavirus Disease 2019 (COVID-19) ang pungsod Pilipinas sa una nga adlaw sang Hulyo 2020.
Sa nasambit nga numero, 595 ang “fresh” ukon newly validated kag 404 naman ang late sa diin may yara sang 38,511 nga kabug-osan nga kaso ang COVID-19.
Apisar sa pagdugang sang kaso, nagtaas man ang numero sang naka recover nga may 10,438 matapos nga 205 ka mga pasyente ang nag-ayo na gikan sa balatian samtang 1,270 naman ang napatay.
Sa fresh cases, 175 ang halin sa Metro Manila, 134 sa Region VII samtang ang nabilin nga 286 ang gikan sa nagkalain-lain nga bahin sang pungsod.
Sa late cases naman, 131 ang halin sa Metro Manila, 57 sa Region VII samtang 216 naman sa iban nga lugar.
As of June 29, may yara na sang 53 certified polymerase chain reaction facilities kag 19 GeneXpert laboratories nga naka test na sang 666,678 ka mga indibidwal.
Sa subong, may yara na sang 1,262 ukon 35.10 percent nga mga intensive care unit beds sang COVID-19 patients ang akupado kag 1,995 ukon 23.11 percent naman nga mechanical ventilators ang naggamit na.
Samtang may yara na sang 10,691,823 nga kaso ang bug-os nga kalibutan, 516,401 ang napatay kag 5,857, 420 ang naka recover.
