ILOILO CITY- Nag-umpisa na ang paggamit sa Iloilo Convention Center sa Mandurriao, Iloilo City bilang vaccination site.
Sa interview sang Bombo Radyo kay Mr. Love Joy Hosenilla, chairman sang Task Force on Anti- Squatting and Illegal Structures Unit nga nag-assist sa vaccination site, iya ginpahayag nga sa una nga adlaw sa pag-utilize sang Iloilo Convention Center para inoculation,wala nalikawan ang problema kaangay sang kakulang sang bangko kag paggutok sang mga tawo.
Suno kay Hosenilla, nagserbi ini nga dry-run agud nga makita ang sitwasyon kag masolusyunan ini sa padayunon nga vaccination roll-out buas nga adlaw sa diin i-utilize man ang Central Philippine University kag ang ICC.
Ginapatuman sa gihapon ang No Ticket No Entry, No Preregistration No vaccination kag No Walk-ins nga policies.
Subong nga adlaw, 2,000 ka mga pumuluyo sang Syudad sang Iloilo ang target nga mabakunahan.
