Napamatud-an sang isa ka Bombo International Correspondent nga dako ang proteksyon nga nahatag sang COVID-19 vaccine sa iya lakip na sa iya pamilya.
Suno kay Patricia dela Torre direkta sa Washington, D.C. sa Amerika, nakaeksperyensya siya kag ang iya duha ka kabataan sang breakthrough infection sang COVID-19 sa diin bangud fully vaccinated na sila batok sa virus, nangin mild lamang ang ila nga sintomas kag madasig sila nga nakarekober.
Pahayag niya, apisar nga may asthma siya, wala nangin malala ang iya nga kondisyon kag wala man naglab-ot sa punto nga gindala siya sa ospital.
Dugang pa niya, sa Estados Unidos, ang mga estado nga may manubo nga COVID-19 vaccination rate lamang ang may mataas nga kaso sang virus rason nga gina-engganyo man niya ang publiko nga magpabakuna agud matapna ang pandemya.
