ILOILO CITY – Dungan nga nagpatigayon sang inoculation sang Sinovac Vaccines ang anom ka mga priority hospital sa Western Visayas.
Sa Iloilo City, lakip sa mga hospital amo ang West Visayas State University (WVSU) Medical Center, St. Paul’s Hospital of Iloilo, Iloilo Doctors’ Hospital Incorporated, kag Western Visayas Medical Center.
Sa Bacolod City naman lakip sa mga priority hospital amo ang Corazon Locsin Montelibano Memorial Regional Hospital kag Dr. Pablo O. Torre Memorial Hospital (ukon Riverside Medical Center).
Isa sa mga nagpatublok sa Sinovac Vaccine amo si Dr. Joselito Villaruz, University President sang WVSU.
Sa exclusive interview sang Bombo Radyo kay Dr. Villaruz, iya ginpahayag nga wala siya sang ano man nga nabatyagan matapos ginbakunahan sang Sinovac Vaccine.
Suno kay Villaruz, bilang mataas nga opisyal sang WVSU, katungdanan niya nga ipakita sa iban nga mga healthcare workers kag iban nga support staff ang pagka-epektibo sang pagbakuna.
Ginpahayag sang natungdan nga halos 50 percent sang ila personnel ang nagpasugot nga bakunahan santo sa ila ginpirmahan nga consent form.
Ang mga nagsulat naman nga ‘NO’ sa vaccination survey ang ginkakas na sa priority list kag ginhatag ang mga bakuna sa iban nga mga health workers sa syudad sang Iloilo.
