Nakitaan sang bag-o nga variant sang COVID-19 ang isa ka byahero nagikan sa Pilipinas kag nagpadulong sa Japan.
Ini nga variant ang makabig nga lain ipaanggid sa una nga variants nga narekord sa United Kingdom, South Africa, kag Brazil.
Suno sa Ministry of Health, Labor and Welfare, asymptomatic ang 60 anyos nga lalaki sang nag-abot ini sa Narita airport sa Tokyo, Japan sang Pebrero 25.
Nagpositibo sa COVID-19 ang lalaki matapos ginquarantine sa nasambit nga airport.
Bangud sini, hugot nga ginpatuman sang National Institute of Infectious Diseases ang border control measures bilang kabahin sang pagpugong nga maglapta ang virus.
