ILOILO CITY– Ginalauman nga masuguran na sa subong nga semana ang pagpahamtang sang COVID-19 laboratory sa Molo para sa mass testing sa syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga magluwas sa pagpahamtang sang laboratory, magasugod man ang pagbakal sang mga kinahanglanon para diri.
Suno kay Treñas, ginadalian na ang pagtapos sang laboratory bangud luyag na niya nga maplastar kag mahitso ang tanan sa masunod nga duha ukon tatlo ka bulan.
Padayun man suno sa alkalde ang pagpatuman sang mass testing sa syudad lakip na diri ang mga empleyado sang Iloilo City Hall.
Magluwas diri, magadayon man ang pag-abot sang ginpangdonar nga test kits nga pagagamiton sa Locally Stranded Individuals kag Overseas Filipino Workers.
Nahibaluan nga as of June 7, may yara na sang 3,956 ka swab samples ang natipon sang Iloilo City Government.
