Nagtukod sang Covid marshall ang Dumangas, Iloilo agud nga mag-escort ukon mag-upod sa mga cargo truck nga naga-abot sa Dumangas Port padulong sa lugar nga ila kadto-an sa probinsya ukon syudad man sang Iloilo.
Sa interview sang Bombo Radyo kay Dumangas Mayor Ronaldo Golez, iya ginpahayag nga ang covid marshall ang ginabug-osan sang mga kapulisan.
Suno kay Golez, ang nasambit nga lihok ang pila lamang sa mga pamaagi agud nga mapasiguro ang hugot nga pagbantay agud indi na masudlan pa sang Coronavirus Disease 2019 (COVID-19) ang Iloilo.
Dugang pa sang natungdan, kun naghalin ang pahinante kag driver sang truck sa isa ka high risk area ukon lugar nga may madata nga kaso sang COVID-19, indi sila mahimo makasulod sa probinsya sa baylo, dapat may yara sang may mabulos sa ila nga duha man ka tawo nga taga Iloilo.
