ILOILO CITY– Nagapabilin sa hospital sa syudad sang Iloilo ang Patient no. 48 nga nagpositibo sa Coronavirus Disease 2019 (COVID-19) matapos ginpapauli sa syudad sang Iloilo halin sa banwa sang Pavia.
Sa interview sang Bombo Radyo kay Iloilo City Mayor Jerry Treñas, iya ginpahayag nga agud malikawan ang local transmission, nadesisyunan nga i-admit na lang sa hospital ang nasambit nga pasyente.
Suno kay Treñas, apisar nga may Enhanced Community Quarantine, nagakadapat nga sundon sang tagsa ka Local Chief Executive ang mga pagsulundan sang Inter-Agency Task Force.
Kun may yara sang mga pagsulundan nga wala nagustuhan ang mga Local Chief Executives, nagakadapat nga ipalab-ot ini sa nasambit nga task force.
