Wala sang dako nga movement ang Communist Party of the Philippines-New People’s Army (CPP-NPA) kadungan sang ila anibersaryo kahapon, Marso 29.
Sa exclusive interview sang Bombo Radyo kay Major Cenon Pancito III, spokesperson sang 3rd Infantry Division sang Philippine Army, iya ginpahayag nga wala sila sang namonitor nga movement sang NPA kahapon sa bahin sang Panay magluwas lamang sa nagluntad nga engkwentro batok sa Philippine National Police sa Santa Catalina, Negros Oriental sa diin duha ka NPA ang napatay.
Suno kay Pancito, may yara sang mando ang national nga pamunuan sang NPA nga nagamando sa ila nga mga myembro sang tactical offensive attack batok sa gobyerno.
Apang pahayag sang natungdan, ang ila padayon nga hot pursuit operation ang nagapakita lamang nga mahina na ang rebelde nga grupo kag epektibo ang ila nangin mga pagpanghanda agud mapunggan ang pagre-group, pagplano kag pag-organize sang mga pagpang-atake sang NPA batok sa militar.
