ILOILO CITY- 80% na nga preparado ang mga atleta sang Central Philippine University sa nagahilapit nga 2023 Palarong Pambansa.
Sa interview sang Bombo Radyo kay Bob Rommel Javellana, officer-in-charge sang Office of Sports & Athletics sang Central Philippine University, iya ginpahayag nga 14 tanan ka mga atleta ang ipadala sang unibersidad agud itiglawas ang Western Visayas sa nasambit nga sporting event.
Suno kay Javellana, nagapadayon ang training sang mga atleta sa diin duha ka beses sa isa ka adlaw ini ginapatigayon.
Ginpahayag dugang sang natungdan nga nagalaom ini nga makuha sang team ang gold medal.
Nahibaluan nga pila sa sporting events nga pasakupan sang mga atleta sang Central Philippine University sa Palarong Pambansa amo ang Taekwondo Secondary Girls, Table Tennis Secondary Boys, Chess Elementary Girls, Swimming Elementary Boys, kag Table Tennis Elementary Boys.
