ILOILO CITY – Patay ang isa ka mobile crane operator matapos nagbitay sa sulod sang CR sang ginatiniran nga barracks sa Barangay Sta. Rosa, Mandurriao, Iloilo City.
Ang biktima amo si Alias Lloyd, masobra 40 anyos ang edad, kag ginapahayag nga tumandok sang Bantayan, Cebu.
Sa interview sang Bombo Radyo kay Roel Velasco, kaupod sang biktima sa trabaho, iya ginpahayag nga pasado 8:00 sang nagligad nga gab-i, kaupod pa nila si Alias Lloyd.
Suno kay Velasco, naghatag pa gani si Alias Lloyd sang sud-an sa isa nila ka upod kag wala man sang nasugid nga problema sa ila.
Ginkakibot na lang ni Velasco kag sang iya mga kaupod nga sang aga na, nasapwan nga nahigtan na ang liog sang biktima kag wala na sang kabuhi.
Nagapadayon pa ang imbestigasyon sang mga pulis may kaangtanan sa insidente.
